منتدى الرماثنة
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخولاسماء عائلات الرمثا

شاطر | 
 

 دردشه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
aony23
رئيس لجنة المراقبين (الحضور الدائم)
رئيس لجنة المراقبين (الحضور الدائم)
avatar

ذكر
عدد الرسائل : 2429
العمر : 32
العنوان اذا كان في الرمثا ؟ اجب بنعم أو لا ؟ : أكــيــد
العمل : صاحب محل كمبيوتر
المزاج : هادي
تاريخ التسجيل : 08/01/2008

مُساهمةموضوع: دردشه   الأربعاء أبريل 02, 2008 11:43 am

حلمي : يسعد صباحك...حبيت سلّم عليكي
ريما:وصباحك..كيفك حلمي ؟
حلمي: منشكر الله كلو تمام ..انتي كيفك..؟ ريما: الحمد لله ماشي الحال
..
ريما:حلمي .. فيني اسألك سوأل ؟؟

حلمي: تفضلي
.
ريما:انت بسوريا وللا برا؟؟

حلمي: لا أنا برات سورية
ريما: فيني اسأل وين؟
حلمي:بإفريقيا
..
ريما: واوووووووووووو
..
حلمي:ليش واوووووووووووو؟؟

ريما:يعني ما توقعت إفريقيا..بس وين بإفريقيا ؟
حلمي: كل كم يوم ببلد..يعني إثيوبيا..كينيا..جيبوتي...الصومال و أحيانا بأوروبا أو الهند و الصين...و نادرا بأميريكا
!!!
ريما:شو سندباد ؟؟ ههههههههه

حلمي:يعني فيكي تقولي هيك
ريما:عن جد حلمي .. شو بتعمل كل يومين ببلد ؟
حلمي: شغل
ريما:فيني اسأل شو شغلك؟؟
حلمي:يعني فيكي تقولي تجارة دولية
!!
ريما: أه

حلمي: شو أه ؟
ريما: قصدي فهمت هلق...طيب وشو هواياتك ؟؟
حلمي : كتير بحب الرياضة..خاصة الجري و كرة القدم..بالأسبوع على الأقل لازم ألعب مرة كرة قدم
!
ريما : كتير حلو..شغلة مهمة كتير الرياضة
..
حلمي : أكيد...أنا ما بقدر بلا رياضة و جري و كرة
..
ريما : نيالك..أنا ما بلعب رياضة
.
حلمي : له..ليش ؟؟

ريما : يعني ما بتعرف بلدنا..إذا البنت بدها تعمل رياضة بتصير فرجة و الشاطر يللي بدو يتحركشها
!!
حلمي : و الله الحق معك..شغلة بتقهر هي
.
ريما : شو بدنا نساوي..هيك نصيبنا
..
حلمي: طيب ريما أنتي شو بتشتغلي ؟ ريما:بالسياحة

حلمي:شو يعني سياحة..بتضلي سايحة من بلد لبلد متلي !!؟؟
ريما: لك لا ..قصدي بشتغل بمكتب سياحة
حلمي :نيالك شغلتك حلوة
ريما: يعني مو حلوة كتير
حلمي:ليش مو حلوة كتير ؟؟
ريما:تعب ..خود صد و هات رد
حلمي:يا ستي الله يعطيكي العافية و يوفقك
ريما:شكرا
حلمي:عفوا
ريما:حلمي.. فيني أعرف ليش عزمتني على الدردشة ؟؟
حلمي: يعني عجبتني كتاباتك بأحد المواقع..حبيت أحكي معك
ريما: شكرا حلمي.. بس المشكلة أنا دائما مكتئبة و زعلانة..بدك تتحملني بقى
..
حلمي: ليش الإكتئاب و الزعل يا ريما..و الله الدنية حلوة كتير؟؟

ريما : انت بتقول هيك لأنك كل يوم ببلد..بس يللي بحياتو ما طلع من البلد و لا شاف شي ..شو بدو يقول ؟؟ حلمي : هي الحق معك فيها ..بس لازم ما تستسلمي..يعني جربي تطلعي و تفوتي
..!
ريما: يا سيدي شكرا لتشجيعك ..بس كيف ؟؟ حلمي : يعني هي شغلة بترجعلك كيف .. كل واحد ألو طريقتو بالطلعة و الفوتة ..المهم تحاولي..و ما تستسلمي ابدا
..
ريما: لحا حاول ؟ حلمي : هيك بدي ياكي
...
ريما: شكرا لتشجيعك
.
حلمي :ريما معليش اسألك سؤال؟؟

حلمي : ريما وينك ؟؟؟
حلمي :ريما هلكتيني وينك ؟؟؟
حلمي :ريماااااااااااااااااااااااااااااااااااااا
ـ
ـ
ـ
ـ
ريما:حلمي .. بعدك هون ؟؟
حلمي :إيه هون وين بدي كون يعني..لك وين رحتي ؟؟؟
ريما:مشان الله لا تآخذني..فصل النت...بتعرف هون بسوريا كتير عم يعذبنا النت
!
حلمي :و لا يهمك ريما...بس معقول لهلق ما حلّو قصة النت...يعني من خمس سنوات سافرت و كان في مشكلة بالنت
.!
ريما:والله ما بعرف يا حلمي كل يوم بيوعدونا لحا تنحل
..
حلمي :يا ستي الله يقدم اللي فيه الخير..بس ريما مو ملاحظة أنو هالمشاكل طولت كتير ؟؟

ريما:أكيد حلمي...لكان شو بتحكي عن الكهرباء..لك و الله طلعت روحنا بهالصيفية
..
حلمي : صحيح ريما الله يكون بعونكون...يعني بأوروبا و حتى بإفريقيا ما بتنقطع هيك الكهرباء..و النت بتجنن..كتير منيحة
!
ريما:شو بدنا نساوي...قال الحصار و المقاطعة أثّروا على كل شي ..حتى على شركة الطيران السورية
..!!
حلمي: ولي ريما لا تفتحيلي سيرتها هلق
..
ريما:ليش شو صاير معك فيها ؟؟

حلمي : خليني ساكت..بس بدي أسأل.. شو دخل المقاطعة و الحصار بوجوه الموظفين و المضيفات ..؟؟ ريما:شو قصدك؟؟
..
حلمي :ريما يعني انتي بالسياحة و عم تسأليني ؟
!
ريما:طيب قللي شو القصة ؟ حلمي : يعني كل موظفة مفكرة حالها شي رئيسة جمهورية و هالزبون شي شحاد جاية يشحد تكت...و المضيفين... لما بركب بالسورية ... بتعرفي كتير أنا بسافر ..ما بسترجي أطلب شي منون..يعني على هالعقدة يللي حاطينها بخاف يعملولي شي كفين
.!!
ريما:ههههههههههه .. حلمي.. بدك تطول بالك شو بدنا نساوي ؟ حلمي : صفيحة

ريما:شو هي صفيحة ؟؟ حلمي : يعني سألتيني شو بدنا نساوي قلتلك صفيحة..شبكي ريما حبيت أمزح
ريما:هيئتك جوعان على هالمزحة حلمي :و الله مالي جوعان..بس ميّت على أكلات سورية
!
ريما:ليش مافي عندكون أكل طيب ؟؟ حلمي :في..بس مافي متل أكل سورية..و فواكه سورية..و لحمة سورية..و خضرة سورية..و موالح سورية
....!!!
ريما:شووووووووووو هيئتك كتير محروم !؟

حلمي: لك تضرب الغربة تضرب...و الله طالعة عيوني على شي أكلة محاشي أو كبة ..أو قبوات و سجقات مثلا
...
ريما:شووووووووو مقادم و قبوات ؟؟؟ حلمي :شو ريما ..لحا تساوي حالك سنبتيك و ما بتاكلي هالأكلات...!!!؟؟

ريما: لك لا..بموت عليها ..بس صعب ساويها..يعني لما بشتهيها بروح على المطعم بالميدان أنا و رفقاتي و مناكلها
.
حلمي :لك إيييييييييييه .. نيالكون ريما: و الله حيرتونا يا مغتربين..أنتو يللي نيالكون حلمي : شو قصدك ريما ؟؟ ريما:يعني كتير حلو الواحد يسافر و يشوف بلاد جديدة حلمي : هي الحق معك فيها..عن جد ما في أحلى من السفر و كل يوم ببلد..و ناس مختلفين..و طبيعة غريبة..سأليني أنا
!!
ريما : نيالك
..!!
حلمي : يمكن شي مرة آخدك معي بشي سفرة من سفراتي...شو رأيك؟؟؟ ريما : و الله بتمنى..شكرا لعرضك
..
حلمي : عن جد ريما مو حكي بس
!!!
ريما : شكرا..شكرا حلمي
.
حلمي : على راحتك..لما بتقرري أنا موجود
!
ريما : يللا .. حلمي .. لازم أمشي أنا عندي شوية شغل حلمي : خدي راحتك ريما و أنا كمان عندي إجتماع مهم..!! ..يللا سلام ريما : سلام
.

أطفأ الحاسوب..أعاد أطلس العالم إلى مكانه..رجع إلى الوراء...حرك العجلة اليمنى إلى الأمام و اليسرى إلى الخلف..صار بمواجهة ألة التريكو القديمة..؟
!
على أصوات قرقعة بائع الغاز ,و صياح الخضرجي , وزمامير السيارات المزدحمة في الشارع الضيق , عاد لعمله ,عليه أن يسلّم الكنزات في اليوم التالي و إلا لن يحصل على مال هو في أشد الحاجةله .. تنتظره فواتير الكهرباء و الإنترنت
!!

\\"حلمي ..يللا حبيبي المجدّرة جاهزة تعال تغدى قبل ما تبرد الطبخة \\" ... نادته أمه بإلحاح
!!
دفع كرسيه الذي أهدته إياه سيارة مسرعة أمام مدرسته.. منذ كان في الإبتدائي
!!

اقترب من المائدة
..

و بدأ يأكل غداءه بصمت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد هاشم طويق
عضو استشاري اول ومميز في المنتدى
عضو استشاري اول ومميز في المنتدى


ذكر
عدد الرسائل : 2776
العمر : 22
العنوان اذا كان في الرمثا ؟ اجب بنعم أو لا ؟ : نعم
العمل : طالب
المزاج : مدمن نت
تاريخ التسجيل : 29/02/2008

مُساهمةموضوع: رد: دردشه   الأربعاء أبريل 02, 2008 4:11 pm

كثير حلوة عوني و موضوع جدا جميل و الله حييهم

_________________
بــدأ النفـــي وما للعــــرب لا ناهيــــــة
كي يقولوا لا لشـــارون وتلك الحاميـــة
آثروا الصمـــت فعقبـــاه دوام العافيــــة
نحن لا نرجوا سوى جرعة شجب كافية
فاشكروا قبرص اذ صـــارت كأم حـانية
وبلادالعرب صارت..هل عرفت القافية؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aony23
رئيس لجنة المراقبين (الحضور الدائم)
رئيس لجنة المراقبين (الحضور الدائم)
avatar

ذكر
عدد الرسائل : 2429
العمر : 32
العنوان اذا كان في الرمثا ؟ اجب بنعم أو لا ؟ : أكــيــد
العمل : صاحب محل كمبيوتر
المزاج : هادي
تاريخ التسجيل : 08/01/2008

مُساهمةموضوع: رد: دردشه   الخميس أبريل 10, 2008 10:44 am

على راسي يا أبو طويق ...................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سماره
عضو رمثاوي اساسي في المنتدى
عضو رمثاوي اساسي في المنتدى


ذكر
عدد الرسائل : 265
العمر : 23
العنوان اذا كان في الرمثا ؟ اجب بنعم أو لا ؟ : نعم
تاريخ التسجيل : 09/04/2008

مُساهمةموضوع: رد: دردشه   الخميس أبريل 10, 2008 1:12 pm

مشكور عوني على الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سماره
عضو رمثاوي اساسي في المنتدى
عضو رمثاوي اساسي في المنتدى


ذكر
عدد الرسائل : 265
العمر : 23
العنوان اذا كان في الرمثا ؟ اجب بنعم أو لا ؟ : نعم
تاريخ التسجيل : 09/04/2008

مُساهمةموضوع: رد: دردشه   الخميس أبريل 10, 2008 1:12 pm

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف السقار
عضو رمثاوي اشرافي رئيسي في المنتدى
عضو رمثاوي اشرافي رئيسي في المنتدى
avatar

ذكر
عدد الرسائل : 1404
العمر : 34
العنوان اذا كان في الرمثا ؟ اجب بنعم أو لا ؟ : الرمثا-حي السوق - بجانب دائرة الاراضي
العمل : شركة كهرباء اربد- الادارة
المزاج : مرح ضحوك ومزييييييييييييييييييييح
تاريخ التسجيل : 10/01/2008

مُساهمةموضوع: رد: دردشه   الجمعة أبريل 11, 2008 4:14 pm

والله على راسي ابو طويق موضوعك فعلا طقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MRMR
عضو رمثاوي اشرافي رئيسي في المنتدى
عضو رمثاوي اشرافي رئيسي في المنتدى
avatar

انثى
عدد الرسائل : 2083
العمر : 26
العنوان اذا كان في الرمثا ؟ اجب بنعم أو لا ؟ : yup
العمل : طالبه
المزاج : مبسوطه
تاريخ التسجيل : 24/03/2008

مُساهمةموضوع: رد: دردشه   الجمعة أبريل 11, 2008 6:43 pm

لا حول ولا قوة الا بالله
مشكور جدا اخ عوني عالموضوع الجميل

_________________
just a girl
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دردشه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أهل الرمثا :: منتدى المقالات :: منتدى المقالات المنوعة-
انتقل الى: